رسالتي اليوم

رسالتي اليوم عم اكتبها
رسالة وفا بدي سجلها
تتفضل شو ما صار بهالدني
رسالة حب ووفا مني إلها
كنّا بجنات المحبة اتنين
متل العصافير مفتوحة حدودها

بتطير بهالسما بين النجوم
ومن بين هالوردات بتاكل قوتها
والميّ بتشربوا من الغيمات
والشجر بهالجنّات هي بيوتها
وكنتِ يا أمي متل الملاك
بتقدم نصايح حين وجوبها
وتحوم متل حمام السلام
وبيهرب الشيطان لمن يشوفها
بقلبها العطف كله والحنان
والحب مكنوز جوا عيونها
ما بيقدر يوصف إنسان
قديش الأم حلو وجودها
الله خلقها وبدّع الكيّان
ومن الإيمان بهرنا بنورها
المصري بيقول من زمان
حماتك عقرب لا تزورها
ولو شاف حماتي بيركع
ويسجد لـ الله حين وصولها
مكملة بأبدع أوصاف
ما بيقدر حدا يجورها
النقطة من بحرها حنان
كيف لو شرب كل بحورها