أنا ظابط في الجيش العربي السوري رتبتي ليست بالمهمة الآن، يحز في قلبي ما يدور حولي وما يتعرض له أبناء وطني وأنا الحارس الأمين المفترض على أولاد بلدي وشعبي ...
أشعر بالألم يعتصر فؤادي وأنا قابع أمام التلفاز متنقلاً بين الموجات مستمعاً لنشرات الأخبار 95 قتيلاً في المدن السورية ..
أرفع سماعة هاتفي ..
أتصل في المنزل
يامو وينو أمجد ...
(الحمد لله لم أتزوج ولا أريد الزواج ومن يريد أن يتزوج والحال على ما هو عليه )
وين راح ..
يصلي ... طب يامو خلصت الصلاة من ساعة ونص ...
طيب خليه يتصل فيني لما يرجع ..
25 قتيلاً أعادوها أكثر من مرة .. كم أكره هذا الشريط الأحمر على التلفاز وهو يكرر نفسه تارة بعد أخرى.. 25 قتيلاً غير معقول ..
طيب لنرى قناة الأخبار السورية ، هه.. الإحتفالات تعم القطر مظاهرات التأييد للقائد الفذ ... الله سوريا بشار وبس .. نعم جميل ما اسمع جميل ما أرى الحمد لله مافي شي ..
إنها القنوات الفضائية المندسة تتآمر على قطرنا المجيد .. ماذا يريدون منا ؟ لماذا يريدون أن يزرعوا الشقاق في صفوف شعبنا الطيب نعم شعبنا الطيب القانع بما قسمه الله لماذا يحاولون تصوير الأمور بأن هناك مظاهرات هنا وهناك مطالبة بـ (متلفتاً حولي ..) إسقاط النظام (بصوت منخفض) متلفتاً مرة أخرى وأخرى .. لا أحد هناك..
فيروز الحبيبة على التلفاز نسم علينا الهوا، يسعد هواك يا فيروز، معقول الفضائيات المندسة العميلة تغار من فيروز؟ لماذا لا يضعون فيروز؟ هه قنوات إخبارية هذا السبب.
لنرى قناة الجزيرة ... أوف لك شو هاد وحدوا الله يا جماعة شو هلحكي 48 قتيلا لك وين بالعراق؟ ...
أفغانستان؟
سوريا لأ ما بيصير هلق يعني قناة الجزيرة القطرية بتعرف عن سوريا أكتر من القناة السورية ؟ مومعقول ، وين التلفون...
يامو لسه ما رجع أخي؟
يامو وين راح؟
خلصت الصلاة من تلات ساعات وين راح؟ شو ما بتعرفي....
لأ ما في شي ... بدي إحكي معه بس ..
يامو خليه يحكي معي ... والله مافي شي ..
وين الأخبار السورية ...
مظاهرات تأييد .. حلووووووو ..
الجزيرة .. شه .. شو هاد مظاهرات لإسقاط النظام ..
طيب قناة العربية .. 68 قتيلا شوووو .. الله سوريا حرية وبس ..
ولك وين طيرتوا بشار ..؟
عم ينادوا بالحرية .. ولك أي حرية؟ نحنا دولة ممانعة ... دولة الصمود وتصدي ..دولة ..
أي ألووو .. مين؟ .. أي أنا هو .. أي هاد أخي .. شووو أي مشفى .. لك ليش .. شوووو ...
No comments:
Post a Comment